Vetëm në 24 orët e fundit 61 aksidente e mbi 1600 tiketa trafiku

Në 24 orët e fundit, Policia e Kosovës ka bërë të ditur se kanë ndodhur 61 aksidente, fatmirësisht asnjë aksident nuk ka përfunduar me fataliet.

Ndërsa 24 aksidente përfunduan me të lënduar dhe 37 të tjera me dëme materiale.

Gjatë kësaj periudhe kohore, Policia e Kosovës ka shqiptuar edhe 1,616 tiketa trafiku për të gjithë drejtuesit e automjeteve që kanë shkelur rregullat e trafikut.

Po ashtu, në 24 orët e fundit policia ka arrestuar 30 persona të dyshuar për vepra të ndryshme penale, ku 21 prej tyre janë dërguar në mbajtje, ndërsa 5 të tjerë në vuajtje të dënimit.