Prokuroria Speciale ngre aktakuzë ndaj 5 personave dhe 3 kompanive për falsifikim të dokumenteve e shpërlarje të parave
Prokuroria Speciale e Republikës së Kosovës ka njoftuar sot për ngritjen e një aktakuze të rëndësishme në Gjykatën Themelore në Prishtinë – Departamenti Special.
Aktakuza është drejtuar kundër pesë personave fizik dhe tre personave juridik, të cilët dyshohet se kanë kryer veprat penale “Falsifikimi i dokumenteve” dhe “Shpërlarje e parave”.
Sipas aktakuzës, të pandehurit kanë falsifikuar dokumente të ndryshme me qëllim të fitimit të përfitimeve të paligjshme financiare. Këto para janë pastruar më pas përmes një rrjeti të komplikuar transaksionesh financiare.
Pas zhvillimit të hetimeve disa vjeçare, Prokuroria Speciale e Republikës së Kosovës, ka ngritur sot aktakuzë në Gjykatën Themelore në Prishtinë – Departamentin Special, kundër personave fizik: E.M, K.A, E.LL, K.LL dhe I.L dhe personave juridik: “M…”, “AHK” dhe “QKK”.
Për të pandehurit ekziston dyshimi i bazuar mirë se të njëjtit kanë kryer veprat penale “Falsifikimi i dokumenteve” nga neni 390 par.3 i KPRK-së dhe veprën penale “Shpërlarje e parave” e përcaktuar me nenin 308 lidhur me nenin 40 dhe 81 të KPRK-së – nr. 04/L-082 dhe lidhur me nenin 56 par.1 nën par.1.6 të Ligjit për parandalimin e pastrimit të parave dhe luftimin e financimit të terrorizmit.
