Goditje ndaj trafikimit të drogës në Prizren, ngritet aktakuzë ndaj një të dyshuari

Sipas aktakuzës, i pandehuri R.Ç. ka qenë duke shpërndarë dhe shitur marihuanë dhe kokainë në shtëpinë e tij në Prizren. Pas një hetimi të gjatë, policia ka vepruar dhe ka arrestuar të pandehurin në flagrancë. Gjatë bastisjes në banesë, janë gjetur dhe sekuestruar sasi të këtyre substancave narkotike, peshore elektronike dhe materiale të tjera që përdoren për paketimin dhe shpërndarjen e drogës.

Në total, policia ka sekuestruar mbi 223 gram marihuanë dhe 5.32 gram kokainë. Kjo sasi e drogës tregon se i pandehuri ka qenë i përfshirë në një aktivitet të organizuar të trafikimit të narkotikëve.

Goditje për krimin e organizuar

Arrestimi i R.Ç. dhe sekuestrimi i sasisë së madhe të drogës është një goditje e rëndësishme për krimin e organizuar në Prizren. Ky aksion tregon vendosmërinë e organeve të drejtësisë për të luftuar këtë fenomen që po shkakton shumë dëme në shoqëri.

Prokuroria kërkon dënim të rëndë

Prokuroria ka propozuar që i pandehuri të dënohet me dënim të rëndë për veprën penale që ka kryer. Nëse shpallet fajtor, R.Ç. rrezikon të dënohet me disa vite burgim.

Një mesazh i qartë

Ky rast dëshmon se policia dhe prokuroria janë të vendosura të luftojnë krimin e organizuar dhe të mbrojnë qytetarët nga pasojat e rënda të përdorimit të drogës.

Çka thotë prokuroria?

Sipas aktakuzës, i pandehuri R.Ç., më datë 22.08.2024 rreth orës 11:15min në Prizren, saktësisht në shtëpinë e tij, pa autorizim shpërndanë dhe ofron për shitje substanca të cilat janë shpallur me ligj si narkotikë, dhe atë të llojit “kokainë” dhe “marihuanë”, në atë mënyrë që narkotikun e siguruar përmes rrugëve ilegale e mban në shtëpinë e tij nga ku fillon shitjen në sasi të vogla personave të ndryshëm në qytetin e Prizrenit.

Pas sigurimit të informatave operative lidhur me narkotikun që posedonte i pandehuri, sapo haset nga zyrtarët policorë në afërsi të rreth rrotullimit në lagjen “Bazhdarhana”, tentojnë ta ndalin mirëpo i njëjti arrinë të ikë në drejtim të shtëpisë së tij, ku edhe arrestohet dhe gjatë kontrollit të kryer, saktësisht në dhomën e tij, janë gjetur dhe sekuestruar: një qese brenda së cilës ishin tridhjetë qese plastike me substancë narkotike të llojit “marihuanë” me peshë prej 32.03 gram, një qese me narkotik të llojit “marihuanë” me peshë 0.28 gram, një qese brenda së cilës janë njëzetë e tre qese plastike me substancë narkotike të llojit “marihuanë” me peshë 13.79 gram, një çantë e zezë krahu me mbishkrimin “NIKE” brenda së cilës është një qese plastike me substancë të dyshuar narkotike të llojit “marihuanë” me peshë 177.18 gram, 3 qese me substancë narkotike të llojit “kokainë” me peshë prej 5.32 gram, gjashtë paketime me qese te zbrazëta që shërbejnë për paketim të narkotikëve dhe dy peshore “constant” ngjyrë e zezë dhe metalike, të cilat substanca narkotike pas ekzaminimit dhe ekspertimit nga Laboratori i Agjencisë Kosovare për Forenzikë, rezultojnë për narkotikë të llojit “marihuanë” me peshë të përgjithshme prej 223.28 gram, si dhe narkotikë të llojit “kokainë” me peshë prej 5.32 gram.