Arrestohet në Prishtinë shtetasi kosovar i kërkuar nga Polonia
Policia e Kosovës ka arritur të arrestojë një shtetas kosovar në kryeqytet, i cili ishte shpallur në kërkim ndërkombëtar nga autoritetet polake.
Operacioni policor është zhvilluar të premten, më 10.01.2025, rreth orës 11:45 në rrugën “Sheshi i Arbrit” në Prishtinë. Falë punës së palodhur të njësisë speciale FAST-Kosova, i dyshuari është lokalizuar dhe arrestuar.
Sipas njoftimit të Policisë së Kosovës, shtetasi kosovar është i dyshuar për kryerje të veprave penale për të cilat autoritetet polake kanë lëshuar një urdhër arresti ndërkombëtar.
Pas arrestimit, i dyshuari është dërguar në qendrën e mbajtjes, me vendim të prokurorit, për t’u përballur me procedurat e mëtejshme ligjore.
Policia e Kosovës vazhdon të jetë e angazhuar në bashkëpunim me agjencitë ndërkombëtare për kapjen dhe ekstradimin e personave të shpallur në kërkim.
Etiketat
Kurti uron gjeneratën e re të policisë: “Po i bashkoheni një kategorie të veçantë institucionale”
Policia para 3 ore
Arrestohet një person në aeroportin “Adem Jashari”, kishte tri urdhëresa nga gjykata
Policia para 1 dite
Operacion i suksesshëm i policisë në veri të Mitrovicës, konfiskohen armë dhe pajisje për kriptovaluta
Policia para 2 dite
