SHBA propozon marrëveshje për kalimin pa tarifa të anijeve në Ngushticën e Hormuzit

Sipas Reuters, një zyrtar amerikan ka bërë të ditur se marrëveshja e propozuar parashikon heqjen e të gjitha tarifave dhe taksave për anijet që kalojnë nëpër këtë rrugë detare.

Propozimi shihet si një përpjekje për të ulur tensionet në rajon dhe për të siguruar qarkullimin e lirë të anijeve në një nga korridoret më të rëndësishme detare në botë.

Ngushtica e Hormuzit ka rëndësi të veçantë për tregtinë globale dhe transportin e energjisë, ndërsa çdo pengesë në lundrimin përmes saj mund të ndikojë në tregjet ndërkombëtare.