Model i ri nga Irani për Hormuzin: pagesa, sigurime dhe monitorim i anijeve
Irani po shqyrton një skemë të re ekonomike për menaxhimin e Ngushtica e Hormuzit, duke synuar krijimin e të ardhurave përmes shitjes së shërbimeve dhe policave të sigurimit për anijet tregtare.
Foto: Ilustrim
Sipas raportimeve të agjencisë iraniane Fars News Agency, Ministria e Ekonomisë në Iran ka përgatitur një plan që parashikon “menaxhim përmes sigurisë”, ku Teherani do të luante rol qendror në monitorimin dhe autorizimin e tranzitit detar.
Modeli përfshin shitjen e sigurimeve detare, certifikatave të përgjegjësisë financiare dhe shërbimeve si pilotimi i anijeve në kohë paqeje.
Po ashtu, Irani do të siguronte “dominim informacioni” për identifikimin e anijeve që kalojnë nëpër ngushticë.
Sipas dokumentit të cituar nga mediat iraniane, kjo qasje mund t’i sjellë vendit deri në 2 miliardë dollarë të ardhura vjetore, por njëkohësisht pritet të ketë kosto politike në marrëdhëniet ndërkombëtare.
