Prizren, arrestohen nga policia 5 persona të dyshuar për prostitucion, me vendim të prokurorit lirohen

Ushtrimi i veprimtarisë së kundërligjshme të prostitucionit vazhdon të mbetet fenomen shqetësues dhe sfidë për institucionet kosovare. Organet e rendit vazhdimisht përmes veprimeve hetimore bien në gjurmët e personave që dyshohen për marrje me prostitucion.

Në prangat e Policisë së Kosovës kanë rënë edhe pesë persona në Prizren, të cilët dyshohen se janë marrë me prostitucion për muaj me radhë.

Pas mbledhjes së informacioneve nga Njësia për Hetimin e Trafikimit me Qenie Njerëzore, është zbuluar se 22-vjeçarja dyshohet se ka ofruar shërbime seksuale me pagesë, ndërsa katër tjerët kanë kryer veprën kundërvajtëse të marrjes me prostitucion.

Poashtu, ky rast figuron edhe në raportin 24 orësh të Policisë së Kosovës, ku ndër tjerash bëhet e ditur se të dyshuarit për këtë vepër janë intervistuar dhe me vendim të prokurorit janë liruar në procedurë të rregullt.

“MARRJE ME PROSTUTICION Prizren. Raportohet se me datë  31.01.2023 janë arrestuar pesë të dyshuar meshkuj kosovarë, nën dyshimin se të njëjtit në bashkëveprim kanë kryer veprën penale të lartcekur. Të njëjtit janë intervistuar dhe me vendim të prokurorit, janë liruar në procedurë të rregullt.” thuhet në njoftimin e policisë.