Gjinoc, mërgimtarit nga Zvicra ia dëmton shtëpinë vëllai, kapet nga kamerat duke ia thyer dritaret
Gjatë ditës së djeshme është arrestuar një person nga Policia nën dyshimet se ka dëmtuar shtëpinë e vëllaut të tij në fshatin Gjinoc të Komunës së Suharekës. Një bashkatedhtar nga Zvicra ia kishte lënë shtëpinë vëllait të tij për t’u kujdesur për të, por ai dyshohet se e dëmtoi, ku edhe është dërguar në ndalim […]
Foto: Ilustrim
Gjatë ditës së djeshme është arrestuar një person nga Policia nën dyshimet se ka dëmtuar shtëpinë e vëllaut të tij në fshatin Gjinoc të Komunës së Suharekës.
Një bashkatedhtar nga Zvicra ia kishte lënë shtëpinë vëllait të tij për t’u kujdesur për të, por ai dyshohet se e dëmtoi, ku edhe është dërguar në ndalim policor.
Rasti raportohet të ketë ndodhur më 19 korrik rreth orës 14:00 në Gjinoc të Suharekës.
Njësitet policore kanë ndërmarrë veprimet e tyre, duke dalë në vendin e ngjarjes dhe kanë mbledhur provat, të cilat dëshmojnë se personi i njëjtë i raportuar për këtë vepër penale ka dëmtuar shtëpinë e mërgimtarit.
Lidhur me këtë rast, Policia e Kosovës ka njoftuar Prokurorin e Shtetit dhe me aktvendim të tij, i dyshuari është dërguar në mbajtje.
“DËMTIM PRONE / Fsh. Gjinoc Suharekë 19.07.2022-14:00.Është arrestuar i dyshuari mashkull kosovar pasi që i njëjti kishte dëmtuar dy dritare në shtëpinë e ankuesit mashkull kosovar. I dyshuari pas intervistimit me vendim të prokurorit dërgohet në mbajtje”, thuhet në raportin e PK-së.
