49 aksidente për 24 orë, një përfundon me fatalitet

Mosrespektimi i rregullave në komunikacion, mospërshtatja e shpejtësisë me kushtet e rrugës në shumicën e rasteve përfundon me aksident, ku përveç dëmëve materiale shkaktohen edhe lëndime në njerëz.

Numër i madh i askidenteve në trafik është regjistruar edhe gjatë ditës së dielë raporton SuharekaOnline.

Sipas raportit 24 orësh të Policisë së Kosovës dërguar mediave, bëhet e ditur se gjatë ditës së dielë janë regjistruar 49 aksidente trafiku.

Fatkeqësisht gjatë ditës së dielë një aksident ka përfunduar me fatalitet.

Ndërsa, 21 aksidente trafiku kanë përfunduar me persona të lënduar dhe 27 të tjera me dëme materiale.

Poashtu, gjatë ditës së dielë Policia e Kosovës ka shqiptuar edhe 1.609 tiketa trafiku për të gjithë pjesmarrësit në trafik.