Muharremaj lajmërohet nga terreni, apelon për kujdes, në 7 fshatra ka zjarre

Suhareka vazhdon të ketë probleme me zjarret fushore dhe malore, ku aktualisht janë shtatë fshatra ku ekipet po luftojnë në fikjen e tyre.

Kryetari i Komunës së Suharekës, Bali Muharremaj, ka bërë të ditur se ende janë duke u ballafaquar me zjarrin dhe njëkohësisht ka apeluar për kujdes të shtuar.

“Ende si duket kemi probleme me zjarre, në Sopijë, Bukosh, Dragaqinë, Nishor, Breshanc, Dobërdelan, Biraq etj. Ju lutem ta keni kujdesin e shtuar sepse temperaturat ende janë të larta dhe mund të ketë ende dëme. Ne me të gjitha ekipet jemi në teren dhe po punojmë në shuarjen e tyre” thuhet në apelin e të parit të Suharekës.

Ndryshe Suhareka ka disa javë që po përballet me zjarret ku fatmirësisht dëmet janë vetëm të natyrës materiale, florë e faunë dhe jo në njerëz.