Dështon seanca ndaj ekzaminerit nga Suhareka i akuzuar për keqpërdorim të pozitës apo autoritetit zyrtar

  • 21.12.2020
Dështon seanca ndaj ekzaminerit nga Suhareka i akuzuar për keqpërdorim të pozitës apo autoritetit zyrtar

Ka dështuar të mbahet seanca gjyqësore e paraparë për të enjten në Gjykatën Themelore në Prishtinë, ndaj ekzaminerit të Qendrës për Patentë Shoferë në Prishtinë, Gëzim Kryeziu, i cili po akuzohet për veprën penale “keqpërdorim i pozitës apo autoritetit zyrtar”.

Bashkë me Kryeziun, në këtë rast për veprën penale “pranimi i ryshfetit në sektorin privat”, akuzohej edhe zyrtari i “Money Gram”, Ekrem Zhegrova, i cili pas pranimit të fajësisë ishte dënuar me një vit burgim efektiv dhe 1,000 euro gjobë, raporton “Betimi për Drejtësi”.

Shkak për mosmbajtjen e kësaj seance ishte mungesa e avokatit Haxhi Millaku, pasi i njëjti kishte kërkuar që kjo seancë të shtyhet.


“Me datën 21 dhjetor me parashtresë e ka njoftuar gjykatën dhe ka kërkuar që seanca e sotme të shtyhet për ndonjë datë tjetër për shkak se ka rast vdekje në familje”, bëri të ditur gjykatësi Isuf Makolli.

Seanca e ardhshme pritet të mbahet me 29 dhejtor, ora 10:00.

Prokuroria Themelore në Prishtinë ka ngritur aktakuzë më 7 tetor 2019, ndaj Gëzim Kryeziut dhe Ekrem Zhegrovës, për veprat penale “keqpërdorim i pozitës zyrtare” dhe “pranim i ryshfetit në sektorin privat”.

Kryeziu akuzohet se më 18 shtator 2019, rreth orës 11:00, në cilësi të ekzaminerit në Qendër për Patentë të Shoferëve në Prishtinë, duke shfrytëzuar pozitën e tij kishte marrë instruksione nga i akuzuari Zhegrova që t’i ndihmonte një kandidates në dhënien e provimit teorik për patentë shofer.

Në këtë mënyrë, sipas aktakuzës, Kryeziu pretendohet se iu kishte ofruar kandidates, duke i treguar me gisht pyetjet e sakta me qëllim që ajo të kalonte provimin në mënyrë të kundërligjshme pa pasur njohuri.

Me këtë ai akuzohet për “keqpërdorim të pozitës zyrtare”, nga neni 414 paragrafi 1 i Kodit Penal të Kosovës.

Kujtojmë se Gëzim Kryeziu është asambleist në asamblenë komunale në Suharekës në radhët e IQ – Iniciativa e Therandës.

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë