1600 veteranë të luftës në Suharekë marrin pagë nga shteti, numri rritet nga viti në vit!
Rritja e numrit të përfituesve nga skema e transfereve sociale për veteranët e luftës të ish- Ushtrisë Çlirimtare të Kosovës, i ka kushtuar shumë shtetit të varfër të Kosovës. Numri i veteranëve të luftës, regjistrimi i të cilëve filloi disa vite më parë, ka qenë e mbetet temë debati në Kosovë, deri sa edhe Prokuroria […]
Rritja e numrit të përfituesve nga skema e transfereve sociale për veteranët e luftës të ish- Ushtrisë Çlirimtare të Kosovës, i ka kushtuar shumë shtetit të varfër të Kosovës.
Numri i veteranëve të luftës, regjistrimi i të cilëve filloi disa vite më parë, ka qenë e mbetet temë debati në Kosovë, deri sa edhe Prokuroria po vazhdon hetimet nën dyshimet se numër i madh personash përfitojnë paligjshëm pensionin e veteranit nga shteti.
Edhe në këtë kohë të pandemisë kur u ‘dobësua’ edhe buxheti i Kosovës, veteranët e Ushtrisë Çlirimtare të Kosovës kanë marrë pagat e tyre pa ndërprerje.
Numri i veteranëve nga muaji janar 2020 e deri në muajin qershor 2020 nuk ka qenë i njëjtë, pasi ka lëvizur nga muaji në muaj.
Kështu në Komunën e Suharekës në TM2 2020 – Prill, Maj, Qershor numri i veteranëve që kanë marr pagat nga Qeveria e Kosovës sillet rreth 1600, shkruan SuharekaOnline.
Krahasuar me periudhën e njëjtë në pesë vitet e kaluara numri i veteranëve të luftës që marrin pagë nga shteti është rritur.
Prill | Maj | Qershor | |
Veteranë 2020 | 1607 | 1601 | 1601 |
Veteranë 2019 | 1585 | 1590 | 1586 |
Veteranë 2018 | 1557 | 1555 | 1563 |
Veteranë 2017 | 1464 | 1491 | 1499 |
Veteranë 2016 | 1257 | 1257 | 1257 |
Ndërsa numri i familjeve të dëshmorëve/invalidëve të luftës që kanë marr pagë është 580.
Prill | Maj | Qershor | |
Familje të dëshmorëve/invalidëve | 579 | 580 | 579 |
Pensionist të TMK-së | 45 | 46 | 46 |
Pensionist të FSK-së | 23 | 23 | 24 |