Sonte ndryshohet ora, akrepat shkojnë 60 minuta para
Pas mesnatës, sonte do të ndërrohet ora dimërore. Ndërrimi i orës bëhet në orën 02:00 të mëngjesit, kur akrepat do të lëvizin 60 minuta para.
Foto: Ilustrim
Me këtë ndryshim të orës, qytetarët do të humbësin një orë gjumë, por fitohet një orë dritë.
Disa pajisjet teknologjike, ndryshimin e orës e bëjnë automatikisht.
Ky ndryshim i orës ka ndikuar edhe tek komuniteti mysliman në Kosovë e rajon, pasi iftari shtyhet për një orë, e gjithashtu edhe syfyri për një orë.
Edhe Bashkësia Islame e Kosovës njofton besimtarët për ndryshimin e orës dhe ndryshimet në rituale e agjërim.
“Duke filluar nga mesnata e sotme bëhet ndërrimi i orës. Ora sonte do të ndryshohet për 60 minuta, andaj rrjedhimisht edhe orari i syfyrit, iftarit dhe faljes së namazeve do të ndryshojnë. Për kohët e syfyrit, iftarit dhe namazit ju lutem informohuni nga takvimi zyrtar i Bashkësisë Islame të Kosovës”, thotë BIK.
BIK bën të ditur se kohët e namazit për nesër e diele do të jenë Syfyri në 4:37, Dreka 12:43; Iftari në 19:08 dhe Jacia në 20:41.
