Rritje e ndjeshme e fluturimeve dhe udhëtarëve në Prill 2025 në Aeroportin “Adem Jashari”
Aeroporti Ndërkombëtar “Adem Jashari” ka regjistruar një rritje të dukshme në aktivitetin ajror gjatë muajit prill të këtij viti, krahasuar me të njëjtën periudhë të vitit të kaluar.
Sipas të dhënave të publikuara nga Agjencia e Statistikave të Kosovës (ASK), gjatë muajit Prill 2025 janë realizuar gjithsej 1,166 fluturime, që paraqet një rritje prej 19.5% në krahasim me 976 fluturime të realizuara në Prill 2024.
Rritja është vërejtur edhe në numrin e udhëtarëve. Gjatë prillit të këtij viti, janë regjistruar gjithsej 399,207 udhëtarë, një shifër që tregon për një rritje prej 22.3% krahasuar me 326,313 udhëtarë në të njëjtën periudhë të vitit të kaluar.
Sipas raportit të ASK-së:
“Në muajin Prill 2025, numri i fluturimeve të realizuara ishte 1,166, apo 19.5% më shumë se në periudhën e njëjtë të vitit të kaluar, ndërsa numri i udhëtarëve gjithsej ishte 399,207, apo 22.3% më shumë.”
Konkretisht, rritja ka qenë e ndarë në dy kategori:
- Udhëtarë në ardhje: 201,175 (rritje prej 23.7%)
- Udhëtarë në shkuarje: 198,032 (rritje prej 21.0%)
Këto të dhëna reflektojnë një trend pozitiv në sektorin e transportit ajror dhe përforcojnë rolin e aeroportit si një nga pikat kyçe të qarkullimit ndërkombëtar për qytetarët dhe vizitorët në Kosovë.
Etiketat
Arrestohet shtetasi serb në Vërmicë, tentoi të korruptonte Policinë e Kosovës me 5 EURO
Lajme para 11 min
Pse çmimet e derivateve mbeten të larta në Kosovë, edhe pas qetësimit të situatës Izrael-Iran?
Lajme para 18 ore
Pritje të gjata në pikat kufitare të Kosovës – Dheu i Bardhë me deri në 3.5 orë vonesë
Lajme para 19 ore
