Presidentja nuk e fali asnjë të dënuar për Vitin e Ri, KMDLNJ thotë se është krejt e paarsyeshme

03.01.2023

Shumë kërkesa nga persona që janë duke vuajtur dënimet e tyre në burgje të Kosovës, kanë shkuar në adresë të zyrës së Presidencës, për të kërkuar faljen e dënimit. Por, as për festat e fundvitit, Presidentja e Kosovës, Vjosa Osmani nuk e ka marr parasysh asnjë nga kërkesat. Nga Këshilli për mbrojtjen e të drejtave […]

Presidentja nuk e fali asnjë të dënuar për Vitin e Ri, KMDLNJ thotë se është krejt e paarsyeshme Foto: Ilustrim

Shumë kërkesa nga persona që janë duke vuajtur dënimet e tyre në burgje të Kosovës, kanë shkuar në adresë të zyrës së Presidencës, për të kërkuar faljen e dënimit.

Por, as për festat e fundvitit, Presidentja e Kosovës, Vjosa Osmani nuk e ka marr parasysh asnjë nga kërkesat.

Nga Këshilli për mbrojtjen e të drejtave dhe Lirive të Njeriut, thonë se kjo është e paarsyeshme dhe se janë të zhgënjyer nga kjo qasje.

“Ajo çfarë ne jemi të dëshpëruar është se po bëhet viti i dytë që nuk po falet asnjë person, që është i privuar nga liria. Ne si monitorues në bazë të vizitave që i realizojmë në terren në bazë të monitorimeve për të drejtat e njeriut, gjendjes në institucione, kemi bërë vlerësimet që ka persona që meritojnë faljen dhe ka persona duhet të falen”, ka thënë Valentina Demolli.

Sipas KMDLNJ-së, mos falja e dënimit të asnjë prej të burgosurve, tash e dy vjet ndikon edhe në risocializimin e tyre në shoqëri.

Që nga viti 2009, e tutje mbi 300 persona janë falur nga Presidenca, derisa paraardhësi i Osmanit, Hashim Thaçi, kishte falur mbi 10 të burgosur gjatë mandatit të tij. /GazetaExpress/