Policia nis hetimet pas gjetjes së foshnjës së pajetë në Prishtinë
Një ngjarje e rëndë ka tronditur Prishtinën sot, kur rreth orës 11:00, një foshnje e porsalindur u gjet e braktisur në afërsi të deponisë së mbeturinave në rrugën “Qëndresa”.
Lajmin e trishtë e ka konfirmuar për RTKlive zëdhënësi i Policisë së Kosovës, Agron Borovci. Ai ka njoftuar se njësitet policore kanë reaguar menjëherë dhe në vendin e ngjarjes kanë konstatuar se foshnja e porsalindur ishte pa shenja jete.
“Policia në koordinim me prokurorin e Shtetit me seriozitet është duke u trajtuar rastin dhe ka iniciuar një hetim mbi vdekjen. Ftojmë këdo që ka informacion lidhur me ngjarjen të kontaktojë direkt policinë,” ka theksuar Borovci.
Trupi i pajetë i foshnjës është dërguar në Institutin e Mjekësisë Ligjore për obduksion dhe hetime të mëtejshme. Policia po punon intensivisht për të zbardhur rrethanat e kësaj tragjedie dhe për të gjetur personin ose personat përgjegjës.
Etiketat
Përfundon me sukses pjesa e parë e Provimit të Maturës, MASHTI: Një numër i madh i nxënësve u larguan për shkak të përdorimit të telefonave
Lajme para 18 ore
Rruga Prizren-Tetovë, punimet vazhdojnë në Kosovë, afrohet starti në Maqedoninë e Veriut
Lajme para 19 ore
Disa zona të Prishtinës e Lipjanit pa ujë sot për shkak të punimeve në kanalin Iber-Lepenc
Lajme para 22 ore
