Podujevë, babai dyshohet se rrah djalin me kanaçe birre pas mosmarrëveshjes për veturën

Burime të Sinjalit brenda Prokurorisë bëjnë me dije se ngjarja ka ndodhur në fshatin Dumnicë e Poshtme. Atje, E.J., 46 vjeç, dyshohet se ka goditur të birin, B.J., 19 vjeç, me një kanaçe birre.

Pas raportimit të rastit, njësia e hetuesisë ka dalë menjëherë në vendin e ngjarjes dhe ka shoqëruar palët në stacionin policor për intervistim. Djali ka deklaruar se babai e kishte goditur fizikisht pas një konflikti për veturën, për çka kishte edhe një video-incizim si provë. Nga ana tjetër, babai i mohoi akuzat në deklaratën e tij.

Lidhur me rastin, është kontaktuar Prokurori kujdestar për dhunë në familje, i cili e ka cilësuar veprën si “Dhuna në familje”. Ai ka urdhëruar që i dyshuari të ndiqet në procedurë të rregullt, pa masën e ndalimit.