Një tjetër kosovar në paraburgim në Serbi, u ndalua në Merdarë më 20 maj

Sipas avokatit Arianit Koci, bëhet fjalë për Avdi Memçaj, i cili dyshohet nga autoritetet serbe për “nxitje të urrejtjes përmes rrjeteve sociale”.

Koci bëri të ditur se familjarët e Memçajt i janë drejtuar për të marrë përsipër mbrojtjen juridike të rastit. Sipas tyre, Memçaj jeton prej vitesh në Kroacia, ku është pronar i disa furrave të bukës.

Familja ka sqaruar se nuk e kishte bërë publik rastin më herët për shkak të frikës nga pasojat për të dhe anëtarët e saj, të cilët udhëtojnë shpesh përmes Serbia drejt Kosova.

Avokati ka njoftuar se do të ndërmarrë të gjitha veprimet ligjore për mbrojtjen e të drejtave të Memçajt, ndërsa u ka bërë thirrje qytetarëve të Kosovës që, në raste të ngjashme, të njoftojnë institucionet përkatëse dhe të kërkojnë ndihmë juridike.