Nis zbatimi i Ligjit për Sigurimin e Detyrueshëm Shëndetësor, fillon themelimi i Fondit Shëndetësor

Ministria e Shëndetësisë ka bërë të ditur se sot ka nisur hapi i parë i zbatimit të këtij ligji, përmes fillimit të procesit për themelimin e Fondit të Sigurimit të Detyrueshëm të Kujdesit Shëndetësor të Republikës së Kosovës.

Sipas ministrisë, themelimi i fondit paraqet bazën për ndërtimin e sistemit të sigurimit të detyrueshëm shëndetësor dhe për zbatimin gradual të të drejtave dhe përfitimeve të parashikuara me ligj për qytetarët.

Autoritetet shëndetësore theksuan se procesi do të zhvillohet në faza, me qëllim krijimin e një sistemi më të qëndrueshëm dhe më efikas të financimit të kujdesit shëndetësor në vend.