Në Gjakovë një grua 63-vjeçare kërkon ndihmë nga policia për shkak të presionit nga i biri

Gazeta Sinjali raporton se raste veçanërisht të rënda janë ato kur prindërit bëhen viktima të dhunës psikike dhe fizike nga fëmijët e tyre.

Një rast i tillë është raportuar në orët e mbrëmjes në Gjakovë, ku një grua e moshuar ka kërkuar ndihmën e Policisë për shkak të presionit dhe stresit të vazhdueshëm nga djali i saj, i cili dyshohet të jetë përdorues i narkotikëve.

Sinjali mëson se ngjarja ka ndodhur më 21 maj 2025, rreth orës 22:00, në rrugën “Tivari”. B. M., 63 vjeçare, ka raportuar se djali i saj, Sh. M., 36 vjeç, e streson vazhdimisht dhe i kërkon para, duke i shkaktuar një gjendje të rënduar psikike.

Sipas deklaratës së viktimës, nuk ka pasur dhunë fizike, por përballja e përditshme me kërkesat dhe presionin e të birit ka bërë që ajo të mos ndihet e sigurt në shtëpinë e saj.

Policia ka reaguar menjëherë pas raportimit. Në konsultim me prokurorin kujdestar, i dyshuari Sh. M. është arrestuar dhe dërguar në ndalim. Rasti aktualisht është nën hetim nga autoritetet kompetente.