Moti sot me vranësira dhe intervale të gjata me diell

Gjatë kësaj të mërkure në Kosovë do të mbajë mot me vranësira dhe me intervale të gjata me diell.

Instituti Hidrometeorologjik i Kosovës (IHMK) ka njoftuar temperaturat minimale do të lëvizin ndërmjet 11-12 gradë Celsius, kurse maksimalet e ditës do të lëvizin ndërmjet 25-27 gradë Celsius.

Nuk është paraparë që do të ketë reshje shiu.

“Të mërkurën do të mbajë mot me vranësira të shpërndara dhe intervale të gjata me diell. Temperaturat minimale do të lëvizin ndërmjet 11-12 gradë Celsius, ndërsa maksimalet e ditës parashihen të lëvizin ndërmjet 25-27 gradë Celsius.

Të enjten priten kushte tjera meteorologjike, pasi që vendi ynë do të përfshihet nga vranësirat e dendura të cilat parashihen të përcjellën me riga shiu dhe shkarkime rrufesh.

Temperaturat minimale do të lëvizin ndërmjet 10-13 gradë Celsius, ndërsa maksimalet e ditës parashihen të lëvizin ndërmjet 25-26 gradë Celsius.

Do të fryjë erë kryesisht nga verilindja me shpejtësi 1-7m/s”, njofton IHMK.