Mihrije Suka merr pjesë në trajnimin për planifikim strategjik të popullsisë në nivel komunal
Nënkryetarja e Komunës, Mihrije Suka, së bashku me drejtoreshën e Administratës, Kymete Bajraktari, kanë marrë pjesë në një punëtori të rëndësishme trajnimi për planifikimin strategjik të popullsisë në nivel komunal.
Foto: Ilustrim
Ky trajnim kishte për qëllim forcimin e kapaciteteve institucionale për zhvillim të qëndrueshëm dhe përmirësimin e vendimmarrjes së bazuar në të dhëna, duke ndihmuar komunat në hartimin e politikave më efikase në përputhje me nevojat reale të qytetarëve.
Gjatë punëtorisë u theksua rëndësia e analizës së të dhënave demografike dhe planifikimit afatgjatë si elemente kyçe për zhvillimin ekonomik, social dhe infrastrukturor në nivel lokal.
Nënkryetarja Suka theksoi se bashkëpunimi institucional dhe përkushtimi i vazhdueshëm janë faktorë thelbësorë për ndërtimin e komunave më të zhvilluara dhe më të përgjegjshme ndaj qytetarëve.
“Bashkëpunimi dhe përkushtimi janë çelësi për komuna më të zhvilluara dhe më të përgjegjshme ndaj qytetarëve”, u shpreh ajo.
Pjesëmarrja në trajnime të tilla vlerësohet si një hap i rëndësishëm drejt avancimit të qeverisjes lokale dhe rritjes së cilësisë së shërbimeve për qytetarët.
