Lumir Abdixhiku: “Do t’i bashkoj të gjithë”, premton unitet brenda LDK-së

08.05.2026

Kryetari i Lidhja Demokratike e Kosovës, Lumir Abdixhiku, ka dërguar një mesazh bashkimi për anëtarësinë e partisë, duke premtuar rikthimin e unitetit brenda LDK-së.

Në një shkrim të publikuar së fundmi, Abdixhiku ka theksuar se do të punojë për t’i bashkuar të gjithë ata që kanë qenë pjesë e Lidhjes ndër vite.

“Ju zotohem, do t’i bashkoj të gjithë. Ata që kanë qëndruar gjithmonë. Ata që janë larguar. Ata që kanë heshtur. Ata që ende besojnë”, ka shkruar ai.

Abdixhiku ka vlerësuar se LDK-ja ka qenë gjithmonë më e madhe se individët dhe se ka ardhur koha që partia të rikthehet si “shtëpia e përbashkët” e të gjithë mbështetësve të saj.