Kurti për bazën e Wizz Air në Prishtinë: Kosova po bëhet gjithnjë e më shumë adresë për kompanitë ndërkombëtare

Në një postim në Facebook, Kurti tha se ky zhvillim përbën një lajm të mirë për Kosovën dhe dëshmon, sipas tij, se vendi po bëhet gjithnjë e më shumë adresë për kompanitë ndërkombëtare.

Ai theksoi se shtimi i linjave ajrore është çështje strategjike, pasi zhvillime të tilla kontribuojnë në fuqizimin ekonomik dhe infrastrukturor, lehtësojnë lëvizjen dhe krijojnë mundësi për lidhje të reja mes Kosovës dhe Evropës, si dhe afrojnë mërgatën me vendlindjen.