Kurti i kërkon Bosnje e Hercegovinës që të lëviz me shpejtësi për heqjen e regjimit të vizave për kosovarët

“Qeveria dje ka vendosur që në mënyrë të njëanshme të zbatohet Marrëveshja e Procesit të Berlinit për Lirinë e Lëvizjes me letërnjoftime, nga 1 janari 2025, e cila do të mundësojë udhëtimin pa viza në Kosovë për qytetarët e Bosnjës dhe Hercegovinës. Ne besojmë se kjo do të forcojë marrëdhëniet mes dy vendeve tona. Siç e përmenda në Sarajevë javën e kaluar, miqësia jonë është penguar prej kohësh nga kufizimet në lirinë e lëvizjes. Ne i bëjmë thirrje Bosnjës dhe Hercegovinës që të lëvizë me shpejtësi me ratifikimin e Marrëveshjes nga ana e tyre, duke siguruar përfitime reciproke për të dy qytetarët tanë”, ka shkruar Kurti në llogarinë e tij zyrtare.

Ky vendim pritet të ketë një impakt pozitiv në marrëdhëniet dypalëshe mes Kosovës dhe Bosnjës dhe Hercegovinës, duke lehtësuar lëvizjen e lirë të qytetarëve dhe duke forcuar bashkëpunimin ekonomik dhe kulturor.

Qytetarët e Bosnjës dhe Hercegovinës do të mund të vizitojnë Kosovën duke përdorur vetëm letërnjoftimin, pa pasur nevojë për viza. Kjo do të lehtësojë udhëtimet për vizita familjare, turistike ose biznesi.

Qeveria e Kosovës shpreson që Bosnja dhe Hercegovina të ndjekë shembullin e Kosovës dhe të ratifikojë sa më shpejt Marrëveshjen e Procesit të Berlinit, duke mundësuar kështu lëvizjen e lirë edhe të qytetarëve të Kosovës në Bosnjë dhe Hercegovinë.