KRU “Hidroregjioni Jugor” lançon platformën E-HRJ për shërbime online për konsumatorët
06.05.2026
KRU Hidroregjioni Jugor ka ftuar të gjithë konsumatorët që të përdorin platformën elektronike E-HRJ, e cila ofron qasje të thjeshtë dhe të sigurt në shërbimet e ujësjellësit.
Foto: Ilustrim
Përmes kësaj platforme, qytetarët mund të kontrollojnë faturat e ujit, të verifikojnë gjendjen e borxhit dhe të kryejnë pagesa online, pa pasur nevojë të paraqiten fizikisht në pikat e shërbimit.
Sipas kompanisë, qëllimi i E-HRJ është përmirësimi i efikasitetit të shërbimeve dhe lehtësimi i komunikimit me konsumatorët.
Regjistrimi bëhet duke përdorur numrin e konsumatorit që gjendet në faturën e ujit.KRU “Hidroregjioni Jugor” thekson se pagesa me kohë e faturave ndihmon në funksionimin e qëndrueshëm dhe përmirësimin e shërbimeve për qytetarët.
