Kosova forcon sigurinë kufitare, përurohet stacioni i ri policor në Izvor të Zveçanit

Në njoftimin e Zyrës së Kryeministrit thuhet se objekti i ri është një investim me vlerë 753 mijë euro dhe ka një sipërfaqe të përgjithshme prej afër 3,980 metra katrorë. Nga ky stacion do të shërbejë Njësia e Ndërhyrjes së Shpejtë të Kufirit, e cila do të përkujdeset për sigurinë kufitare dhe parandalimin e aktiviteteve ilegale që cenojnë sigurinë e vendit.

Me rastin e përurimit, Kryeministri Kurti u shpreh se “zyrtarët policorë tani do të kenë kushte të denjitetshme të punës, por edhe se performanca e tyre do të jetë e një cilësie të lartë sa i përket parandalimit të kontrabandës dhe çfarëdo veprimtarie tjetër ilegale”.

Kurti falënderoi operatorin ekonomik, Policinë e Kosovës, Agjencinë e Kosovës për Inteligjencë, Ministrinë e Punëve të Brendshme dhe Ministrinë e Administrimit të Pushtetit Lokal për bashkërendimin e shkëlqyer. Ky bashkëpunim rezultoi në përfundimin e punimeve dhe përurimin e objektit vetëm gjashtë muaj e gjysmë pas vënies së gurthemelit, më 25 nëntor të vitit të kaluar.

Ky investim thekson angazhimin e Kosovës për forcimin e sigurisë së kufirit dhe luftën kundër krimit të organizuar.Sources