Kosova bën një hap të rëndësishëm në luftën kundër dhunës ndaj grave në politikë
Misioni i OSBE-së, në bashkëpunim me gratë deputete të Kuvendit të Kosovës, organizoi dje një konferencë për dhunën ndaj grave në politikë dhe jetën publike në Kosovë.
Në një lëvizje të rëndësishme për të promovuar barazinë gjinore në politikë, Kosova dje ka organizuar një konferencë të dedikuar për të trajtuar çështjen e dhunës ndaj grave në jetën publike. Nën udhëheqjen e Misionit të OSBE-së dhe me përkrahjen e grave deputete nga të gjitha grupet parlamentare, u nënshkrua një Deklaratë kundër dhunës ndaj grave në politikë.
Kjo deklaratë, e cila do të ekspozohet në sallën e seancave plenare të Kuvendit, shënon një angazhim të fortë për të eliminuar të gjitha format e dhunës ndaj grave në politikë dhe për të krijuar një mjedis më inkluziv dhe të barabartë për të gjitha gratë.
“Deklarata do të qëndrojë në sallën e seancave plenare të Kuvendit të Kosovës që deputetët e tjerë ta nënshkruajnë gjatë 16 Ditëve të Aktivizmit, duke rritur kështu dukshmërinë dhe shtrirjen e saj.”- thuhet në postimin e OSBE-së në Facebook.
Deputetët e pranishëm theksuan rëndësinë e bashkëpunimit ndërpartiak në këtë çështje dhe shprehën shpresën se kjo deklaratë do të çojë në veprime konkrete për të mbrojtur të drejtat e grave në politikë.
