Komunat ndajnë buxhetin për dekorim të shesheve në fundvit

Me afrimin e festave të fundvitit, edhe komunat fillojnë planifikimet për dekorime të hapësirave publike.

Suhareka ka ndarë rreth 20 mijë euro buxhet për dekorimin e qytetit.

I vetmi në Ballkanin Perëndimor, ISEFERI sjellë ekskluzivitetin e produkteve amerikane

Shtatë lokacione do të dekorohen në qytetin e Prizrenit, me një tender për të cilin janë destinuar 50 mijë euro.

Përafërsisht këtë shumë e ka shpenzuar edhe komuna e Lipjanit për dekoret e shesheve, por këtë e ka rregulluar për një periudhë 3 vjeçare.

Për dekorimin e bulevardit George Bush, kryeqyteti ka ndarë 35 mijë euro, për të cilat ka specifikuar në detaje se si të realizohet.

Rreth 31 mijë euro buxhet kanë ndarë komuna e Kamenicës dhe e Malishëves për zbukurimin e shesheve të tyre.

Në kuadër të përgatitjes së festave të fundvitit, komuna e Vitisë, përpos dekorimit të qytetit, në buxhetin prej 20 mijë eurove ka paraparë edhe fishekzjarre dhe dhurata për kategoritë që janë në shërbim të qytetarëve në kohën e ndërrimit të motmoteve.

Shuma të njëjta parash ka destinuar komuna e Podujevës, me 20 mijë euro.

Kurse, buxhet me të vogël ndanë për dekore, Shtërpca 5 mijë euro dhe Juniku afro 3 mijë euro.

Sigurimi Internacional

Ofertë speciale