Komunat dalin me propozim për kompensimin e orëve të humbura

  • 11.10.2022
Komunat dalin me propozim për kompensimin e orëve të humbura

Orët e humbura si shkak i grevës së mbajtur në shtator nga SBASHK-u, ka ngjallur reagime të shumta si nga qytetarët ashtu edhe institucionet.

Ministria e Arsimit (MASHTI) ka marrë vendim për ndryshim të kalendarit të vitit shkollor 2022/2023, ku ka paraparë zëvendësimin e orëve të humbura gjatë ditëve të vikendit (të shtunave).

Por, ky vendim i Ministrisë së Arsimit nuk po pranohet nga Sindikata e Bashkuar e Arsimit, po ashtu një gjë të tillë nuk po pranohet edhe nga disa prindër.


Ndërkaq, së fundmi Kryetarët e komunave kanë dalë me një propozim se si të kompensohen orët e humbura në arsim për shkak të grevës pesë javëshe.

Kryetarët e komunave të Kosovës kanë kundërshtuar propozimin për kompensimin e orëve gjatë ditëve të vikendeve, ku për këtë kanë dhënë edhe arsye.

“Vijimi i mësimit pa ndërprerje gjatë pushimeve do të krijonte ngarkesë për fëmijët dhe familjet e tyre, çka në mënyrë të drejtpërdrejt do të ndikonte në rënie të cilësisë dhe motivit për mësim. Do të shtonte shpenzimet për ngrohje dhe mirëmbajtjen e saj, tash kur në këtë kategori shpenzimesh, ato po njohin ritme të larta si kosto, çka dëmton buxhetet komunale.

Madje, veprimi në këtë formë, përveç rritjes së kostos financiare për ngrohje, rrit edhe shpenzimin e energjisë elektrike, çka bie ndesh me masat qeveritare për kursimin e energjisë”, thuhet ndër të tjera në letër propozimin e kryetarëve të komunave drejtuar Nagavcit.

Po ashtu, aty ka edhe disa propozime të tjera se si mësimi nuk duhet të mbahet gjatë ditëve të pushimit për shumë arsye.

Por Asociacioni i Komunave të Kosovës ka propozuar se si dhe në çfarë mënyre mund të kompensohen orët e humbura në sektorin e arsimit.

“Që kompensimi i orëve të humbura të mësimit për shkak të grevës së përgjithshme në arsim, të bëhet duke i shtuar nga pesë orë pune për çdo nxënës brenda javës në kuptim të ditëve të rregullta të punës, ashtu që do të përballohej më lehtë për të gjithë pjesëmarrësit në proces mësimor si dhe do të garantonte standardet e kërkuara për zhvillimin normal të procesit mësimor, për të cilën janë shprehur pajtues udhëheqësit komunal.

Duke besuar në gatishmërinë tuaj për të rishikuar vendimin tuaj për kompensimin e orëve të humbura të mësimit, presim shqyrtimin e përfshirjen e propozimeve tona për këtë çështje që na preokupon të gjithëve”, thuhet në letrën e AKK-së.

Por ky propozim nuk ka marrë përgjigje nga ministria e Arsimit

Sazan Ibrahimi drejtor i Asociacionit të Komunave të Kosovës i ka thënë se ministria e Arsimit ende nuk ka kthyer përgjigje për propozimin.

“Deri në këto momente AKK nuk ka një përgjigje për propozimin e kryetarëve të komunave se si mund të kompensohen orët e humbura në arsim”, ka thënë ai. Para këtij propozimi ministria e Arsimit ka nxjerr një vendim për orët e humbura dhe mënyrën se si ato do të kompensohen.

Vendim ky është që kundërshtuar fuqishëm nga Sindikata e Bashkuar e Arsimit, por edhe Këshilli i Prindërve.

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë