KFOR zhvillon trajnim “Firephobia” për rritjen e gatishmërisë operacionale

Ky trajnim ka për qëllim përgatitjen psikologjike dhe operative të trupave ndaj situatave me ekspozim ndaj zjarrit, duke ndihmuar në menaxhimin e frikës dhe stresit që shfaqet në mjedise të rrezikshme operacionale.

Sipas KFOR-it, trajnime të tilla janë thelbësore për të ruajtur një nivel të lartë të efektivitetit në mision dhe për të kontribuar në krijimin dhe ruajtjen e një ambienti të sigurt dhe të qetë për të gjitha komunitetet që jetojnë në Kosovë.

KFOR vazhdon të luajë një rol të rëndësishëm në ruajtjen e stabilitetit dhe sigurisë në vend, përmes bashkëpunimit ndërkombëtar dhe përgatitjes së vazhdueshme të forcave të saj.