Javën tjetër hapet aplikimi për subvencionimin e fermerëve me fond prej rreth 50 milionë euro

Siç edhe ka njoftuar ministri Peci, bëhet e ditur se ky program ofron mbështetje financiare prej 50 milionë eurove për fermerët.

“…duke përfshirë; 5 milionë euro subvencionimin e naftës, përkthyer në 0.36 cent për litër dhe 8 milionë euro për inputet bujqësore për plehërim pranveror për 4 kultura bujqësore; grurë të përkthyer në 150 euro për hektarë, misër, patate dhe fasule përkthyer në 100 euro për hektarë”, ka shkruar Peci në rrjetin social, Facebook.

Mes tjerash, ka përmendur disa nga punët e mira që sipas tij janë bërë në ministrinë që udhëheqë.

“Kemi rritur përkrahjen për: 216% për grurin, 119% për misrin, 118% për pataten dhe fasulen, 85% për perimet për perimet në fushë të hapur, 100% për perimet në sera, 33% për bletët, 26% për kulturat pemëtarë, 25% për mjedrën, 21.6% për farën e grurit, 16% për qumështin sipas cilësisë; si dhe rritje të konsiderueshme për shumicën e sektorëve dhe nën-sektorëve të paraparë me Programin e Pagesave Direkte 2022”.

Postimi i plotë i ministrit Peci:

Pas aprovimit të Programit për Pagesa Direkte / Subvencione 2022 me datë 4 Mars dhe ndjekjes së procedurave ligjore për hartimin e Udhëzimit Administrativ, diskutimit paraprak, diskutimit publik dhe hyrjes në fuqi të këtij akti normativ pas shpalljes në Gazetën Zyrtare, si dhe pas koordinimit të Drejtorive për Bujqësi në Komuna me Agjencinë për Zhvillimin e Bujqësisë;

Me datë 26 Prill hapet për aplikim Programi për Pagesa Direkte / Subvencione 2022!

Ky Program përmban rritje substanciale të mbështetjes financiare për fermerë me vlerë prej rreth 50 milionë euro duke përfshirë; 5 milionë euro subvencionimin e naftës, përkthyer në 0.36 cent për litër dhe 8 milionë euro për inputet bujqësore për plehërim pranveror për 4 kultura bujqësore; grurë të përkthyer në 150 euro për hektarë, misër, patate dhe fasule përkthyer në 100 euro për hektarë.

Kemi rritur përkrahjen për:
216% për grurin,
119% për misrin,
118% për pataten dhe fasulen,
85% për perimet për perimet në fushë të hapur,
100% për perimet në sera,
33% për bletët,
26% për kulturat pemëtare,
25% për mjedrën,
21.6% për farën e grurit,
16% për qumështin sipas cilësisë;

Si dhe rritje të konsiderueshme për shumicën e sektorëve dhe nën-sektorëve të paraparë me Programin e Pagesave Direkte 2022.

Afër prodhuesve vendorë!