Hoti: Javën e ardhshme procedohet ligji për vlerat e luftës
24.04.2026
Ministri për Punë, Familje dhe Vlerat e Luftës Çlirimtare, Andin Hoti, ka njoftuar se Ligji për vlerat e luftës çlirimtare të Kosovës pritet të procedohet për miratim në Qeveri gjatë javës së ardhshme.
Foto: Ilustrim
Ai bëri të ditur se procesi i hartimit tashmë ka nisur dhe aktualisht është në fazën e përgatitjes së koncept-dokumentit, i cili do të përcaktojë përmbajtjen dhe drejtimet kryesore të ligjit.
Sipas Hotit, dokumenti është pranë finalizimit dhe, pas miratimit në Qeveri, drafti do të kalojë në procedurat e mëtejshme ligjore për shqyrtim dhe aprovime të tjera.
