Dy persona të therur me thikë në Sllapuzhan, i dyshuari në arrati

10.01.2026

Sllapuzhan, Suharekë – 09 janar 2026, ora 03:20. Dy persona meshkuj, shtetas të Kosovës, kanë pësuar lëndime të lehta trupore si pasojë e një sulmi me thikë që dyshohet se është kryer nga një mashkull kosovar.

Sipas informatave fillestare, viktimat janë therur me mjet të mprehtë dhe më pas janë dërguar për trajtim mjekësor, ku gjendja e tyre shëndetësore është raportuar stabile.

I dyshuari është larguar nga vendi i ngjarjes dhe aktualisht ndodhet në arrati. Njësitet policore kanë dalë në vendin e ngjarjes, kanë ndërmarrë veprimet e nevojshme hetimore dhe po punojnë për identifikimin dhe arrestimin e të dyshuarit. Rasti është duke u trajtuar nga organet kompetente.