Durmishi: Ndërhyrje emergjente për sanimin e rrëshqitjes në autostradën “Ibrahim Rugova”

12.01.2026

Hysen Durmishi ka bërë të ditur se mbrëmë ka qenë në terren për të përcjellë nga afër punimet e sanimit emergjent dhe të përkohshëm të rrëshqitjes së shkaktuar nga reshjet e mëdha të shiut në autostradën “Ibrahim Rugova”.

Sipas tij, ndërhyrja është realizuar me shpejtësi, me qëllim që autostrada të mos bllokohej në asnjë moment dhe qarkullimi të zhvillohej sa më i lehtë dhe i sigurt për qytetarët.

Durmishi ka shtuar se institucionet janë në fazën finale të nënshkrimit të kontratave për sanimin e plotë dhe të përhershëm të të gjitha rrëshqitjeve përgjatë kësaj autostrade.