Deputetja nga Suhareka bojkoton mbledhjen, ku ministrja Hajdari raportonte në Komisionin për Mbikqyrje Financiare
Gjatë ditës së sotme ministrja e Industrisë, Ndërmarrësisë dhe Tregtisë, Rozeta Hajdari ka raportuar në Komisionin për Mbikqyrje Financiare përkatësisht për raportin e auditimit për pasqyrat financiare të MTI-së për vitin 2020. Ministrja Hajdari ka ngritur disa çështja, e që siç tha ajo keqpërdorime me paranë publike, si dhe parregullsi dhe mangësi nga ish-MTI tani […]
Gjatë ditës së sotme ministrja e Industrisë, Ndërmarrësisë dhe Tregtisë, Rozeta Hajdari ka raportuar në Komisionin për Mbikqyrje Financiare përkatësisht për raportin e auditimit për pasqyrat financiare të MTI-së për vitin 2020.
Ministrja Hajdari ka ngritur disa çështja, e që siç tha ajo keqpërdorime me paranë publike, si dhe parregullsi dhe mangësi nga ish-MTI tani në MINT.
Ministrja e Industrisë, Ndërmarrësisë dhe Tregtisë ka thënë se shqetësuese mbetet projekti për ndërtimin e parkut industrial në Lumadh
Megjithatë, deputetë nga opozita PDK dhe LDK nuk morën pjesë në këtë mbledhje, as kryetarja e Komisionit, Hykmete Bajrami që vije nga LDK-ja.
Deputetja nga AAK Albana Bytyqy bojkotoi mbledhjen, derisa tha se meqë nuk janë pjesëmarrës asnjë deputetë nga opozita, nuk do të marrin pjesë as deputetët e kësaj partie.
Në komisionin e kryesuar nga zëvëndëskryetarja, Arta Bajralija nga VV, Ministrja e Hajdari tha se nuk është vetëm parku industrial në Lumadh që ka pasur parregullsi dhe mangësi, por sipas saj, ka shumë parregullsi për shumë parqe, për punësim me kontrata mbi vepër dhe çështje të tjera nga ish-MTI tani MINT.
Hajdari tha se do të iniciojnë rishikimin e të gjitha zonave ekonomike.
Sipas saj, fatin e këtij rishikimi do ta ketë edhe Zona ekonomike në Drenas.
Hajdari tha se do të marrin të gjitha masat për evitimin e të gjitha mangësive sa i përket të gjeturave nga auditori.
“Gjetjet për parkun industrial në Lumadh vërtet janë brengosëse, për tejkalimin e shpenzimeve.
Ky projekt milionësh është vërtet për të na shqetësuar sa i përket keqpërdorimeve të parasë publike, duke devijuar projektin dhe rrit koston e ndërtimit në këtë mënyrë”, theksoi Hajdari.