Deputetët mblidhen sërish për konstituimin e Kuvendit

Procesi i konstituimit ka nisur më 15 prill dhe po vazhdon pa asnjë rezultat, kryesisht për shkak të pamundësisë për të krijuar Komisionin për votim të fshehtë për zgjedhjen e kryetarit të Kuvendit.

Kandidatja e Lëvizjes Vetëvendosje për kryeparlamentare, Albulena Haxhiu, nuk ka arritur të sigurojë 61 votat e nevojshme në asnjë prej seancave të kaluara. Vetëvendosje ka propozuar votim të fshehtë si një rrugëzgjidhje, por kjo nuk është pranuar nga partitë opozitare.