BSPK kërkon rritjen e pagës minimale: Papunësia shumë më e lartë sesa që po paraqitet

Të paktën kështu ka thënë kryetari i Bashkimit të Sindikatave të Pavarura të Kosovës (BSPK), Atdhe Hykolli.

Ministri i Financave, Punës dhe Transfereve, Hekuran Murati, javë më parë ka deklaruar se duke krahasuar me muajin qershor të vitit që lamë pas, në vitin aktual ka rritje prej 22 mijë vende pune të reja.

Ndërsa, i pari i BSPK-së, ka thënë se mos ngritja e pagës minimale është njëra prej shkaqeve të papunësisë së lartë.

“Kjo e keqja që na ka sjell pandemia do me thanë ka ndikua shumë edhe në humbjen e punëve pasi shumë sektor që kanë qenë janë mbyllë, kanë mbet shumë pa punë.

Nuk e di seriozitetin e ministrisë Financave për atë hulumtim që e kanë bë, ne mendojmë që te sektori privat numri është edhe më i madh sepse na kemi deklarime që nuk e deklarojnë punë sepse kanë lidhje mes punëmarrësit dhe punëdhënësit.

Kështu që ne jemi shumë të sigurt që ajo analizë është edhe ma e keqe sesa që ka dal në ministrinë e Financave”.

“Papunësia është shumë më e madhe. Edhe njëherë e potencova që kjo mos lëvizja e pagës minimale është shumë diskriminuse dhe normalisht që s’ka dinjitet në punë, dhe fatkeqësisht kemi një ikje të madhe të fuqisë punëtore nga vendi ynë sepse njerëzit dëshirojnë me pas një jetë me të dinjitetshme”, tha ai për EO.