Bie bora e parë në këto dy vende të Kosovës

“Prishtina Weather” ka publikuar dy fotografi nga kamerat e vendosura në Brod dhe Brezovicë, e ku shihet se në mëngjesin e sotëm në Kosovë kanë rënë shtresat e para të borës.

“12.11.2022 – Shtresat e para të borës në Brod dhe Brezovicë mëngjesin e sotëm.” thuhet në njoftim.

Fotografitë e publikura janë marrë nga Gjirafa Slow Tv.

Ndryshe, Prishtina Weather ka njoftuar se ditën e shtunë mbi vendin tonë, orëve të para të ditës, do të ketë më shumë vransira me mundësi edhe për riga lokale shiu, derisa në vise malore mund të priten edhe reshje të dobëta bore.