AAK konstituon Këshillin Drejtues, konfirmohen 108 anëtarë me mandat katërvjeçar

Në përputhje me Statutin e partisë, gjatë këtij takimi janë konfirmuar 108 anëtarë të Këshillit Drejtues, të cilët do të ushtrojnë mandatin e tyre për një periudhë katërvjeçare.

Kryetari i AAK-së, Ardian Gjini, uroi të gjithë anëtarët për zgjedhjen e tyre dhe i falënderoi për angazhimin e treguar gjatë procesit zgjedhor. Ai theksoi nevojën për angazhim dhe mobilizim të mëtejmë në funksion të zhvillimit dhe fuqizimit të Aleancës në periudhën e ardhshme.

Sipas njoftimit, në ditët në vijim Këshillit Drejtues do t’i propozohet për miratim edhe përbërja e re e Kryesisë së Aleancës, duke përmbyllur kështu procesin e konsolidimit të strukturave udhëheqëse të partisë.