Zyrtare: Vander Blue i bashkohet Golden Eagle Yllit

Klubi basketbollistik nga Suhareka, Golden Eagle Ylli ka njoftuar se ka arritur marrëveshje me ish-lojtarin e Boston Celtics dhe LA Lakers.

Golden Eagle Ylli ka arritur marrëveshje me Vander Blue deri në fund të sezonës 2019/2020.

Blue është 27 vjeçar, i gjatë 193 cm dhe luan në pozitat 1 dhe 2.

Edhe pse me minutazh të vogël ai ka qenë pjesë e dy ekipeve me më së shumti histori në ligën më të fortë në botë NBA.

Boston Celtics (2013-2014, 4.9 minuta, 1 kercim, 0.33 asistime për ndeshje).

LA LAKERS (2014-2015 2 ndeshje, 36.9 min, 4.5 kercime, 4 asisitme për ndeshje dhe 2017-2018 5 ndeshje, 9 min, 0.2 kercime dhe 1.2 asistime për ndeshje).

Po ashtu ai ka marr pjesë në NBA Summer League me ekipet e NBA si: Memphis, Huston, San Antonio, Chicago Dallas dhe LA Lakers.

Ai gjithashtu ka qenë pjesë e disa ekipeve ne Europë dhe Azi.
2013-14 Maccabi Rishon Lezion (Izrael)
2017-18 Fiat Torino (Itali) 7 ndeshje, 20.4 min, 1.8 kercime dhe 1.57 asistime ku dhe u shpall MVP i ndeshjeve të kupës.

Së fundmi ai ka qenë pjesë e ekipeve në ligën NBA D-League
2017-18 South Bay Lakers,
2018-19 Texas Legends
2019-20 Santa Cruz Warriors.

Blue pritet të arrijë ne Suharekë shumë shpejt për tu bashkuar me ekipin.