Gjermani, me dhjetra mijëra qytetarë protestojnë kundër planit për dëbimin e të huajve
Më shumë se 30.000 njerëz dolën në rrugë në disa vende në Gjermani të enjten në mbrëmje në demonstrata kundër ekstremizmit të krahut të djathtë.
Foto: Ilustrim
Sipas raporteve të policisë, në Wiesbaden kishte të paktën 12.000 pjesëmarrës. Në Hagen, Siegen dhe Mönchengladbach demonstruan gjithsej 15.000 njerëz.
Në protesta deri tani, kanë marrë pjesë rreth 1 milion vetë: ministria e Brendshme foli për 900.000, organizatorët për 1,4 milionë vetë.
Protestat më masive qenë në datat 19.01., 20.01. dhe 21.01. Por ato vazhdojnë: 15.000 vetë kanë protestuar ditët e fundit në landin e Rinit-Verior Vestfalisë (NRW).
Në Rostock janë tubuar 6500 demonstrues në qendër të qytetit.
Tubime kundër ekstremizmit të djathtë dhe qëndrimeve të partisë AFD për dëbimin e njerëzve me prejardhje të huaj do të vazhdojnë edhe në ditët e ardhshme në mbarë Gjermaninë.
