Kuvendi i Suharekës miraton deklaratën “JO NË EMRIN TIM”

Përmes kësaj deklarate, Kuvendi shpreh mospajtimin e tij me aktgjykimin dënues të shkallës së parë të Dhomave të Specializuara të Kosovës ndaj ish-krerëve të Ushtrisë Çlirimtare të Kosovës – Hashim Thaçi, Jakup Krasniqi, Kadri Veseli dhe Rexhep Selimi.

Në deklaratë theksohet respektimi i pavarësisë së sistemit gjyqësor, ndërsa njëkohësisht shprehet qëndrimi se përgjegjësia personale penale duhet të provohet me prova të qarta, konkrete dhe përtej çdo dyshimi të arsyeshëm.

Kuvendi gjithashtu e cilëson luftën e UÇK-së si vazhdimësi të luftës për liri dhe çlirim, të lindur nga rrethanat e represionit, dhunës, vrasjeve dhe dëbimit të popullsisë shqiptare të Kosovës.

Me këtë deklaratë, Kuvendi i Komunës së Suharekës shpreh mbështetjen për mesazhin “JO NË EMRIN TIM” në lidhje me dënimin e ish-krerëve të UÇK-së.