Nga 25 gushti devijohet komunikacioni në rrugën “Brigada 123”

Sipas njoftimit të komunës, bllokimi bëhet për shkak të fillimit të punimeve në kuadër të projektit “Rregullimi i ujëmbledhësit të sheshit”.

Gjatë punimeve, qarkullimi i automjeteve në këtë pjesë do të jetë i pamundur, ndërsa komunikacioni do të devijohet në rrugët alternative.

Komuna ka apeluar te qytetarët dhe pjesëmarrësit në komunikacion që të respektojnë sinjalizimin dhe udhëzimet për devijimin e qarkullimit.

Për rihapjen e rrugës për qarkullim, qytetarët do të njoftohen me kohë, varësisht nga ecuria e punimeve.