1.
Inspektohen auto-parkingjet, evidentohen shkelje ligjore e shmangie tatimore
22.07.2026
Në kuadër të luftimit të shmangies nga tatimi dhe parregullsive administrative, Policia e Kosovës ka zhvilluar një aksion të gjerë kontrolli në disa auto-parkingje në rajonin e Prizrenit dhe Suharekës.
Aksioni është realizuar nën autorizimin e Prokurorisë Themelore në Prizren dhe në bashkëpunim të ngushtë me Administratën Tatimore të Kosovës (ATK), Inspektoratin Qendror të Punës, si dhe Inspektoratin Qendror të Ministrisë së Tregtisë.
Gjatë inspektimeve të kryera më 21 korrik, zyrtarët kompetentë kanë evidentuar një sërë shkeljesh ligjore në disa nga bizneset e kontrolluara. Ndaj subjekteve ku janë konstatuar parregullsi janë ndërmarrë menjëherë masat përkatëse ligjore nga institucionet kompetente.
