KB Golden Eagle Ylli prezanton Moran Vermus si ndihmës trajner për sezonin e ri

14.07.2026

KB Golden Eagle Ylli ka njoftuar përforcimin e stafit teknik me ardhjen e Moran Vermus, i cili do të mbajë pozitën e ndihmës trajnerit për sezonin 2026/2027.

Klubi suharekas ka bërë të ditur se Vermus do t’i bashkohet familjes “Golden Eagle Ylli” me synimin për të kontribuar në objektivat dhe sukseset e skuadrës në edicionin e ri.

“Mirë se erdhe në familjen Golden Eagle Ylli!”, thuhet në njoftimin e klubit.

Me këtë lëvizje, Ylli vazhdon përgatitjet për sezonin e ardhshëm duke kompletuar stafin teknik dhe duke synuar paraqitje sa më të suksesshme në garat vendore.