Sot varrosen tre të rinjtë nga Kosova që humbën jetën në aksidentin në Luksemburg

Sot është dita më e rëndë për familjet Kastrati dhe Bajraktaraj, të cilat do t’i japin lamtumirën e fundit tre të rinjve që humbën jetën tragjikisht në një aksident në Luksemburg më 1 shtator 2025.

Sipas njoftimeve të familjarëve, Uk dhe Ujkan Bajraktaraj do të varrosen në ora 15:00 në varrezat e fshatit Isniq, ndërsa Edonik Kastrati do të përcillet për në banesën e tij të fundit në ora 17:00 në fshatin Dobërdol.

Vetura në të cilën udhëtonin tre të rinjtë i përkiste babait të njërit prej tyre. Dyshohet se automjeti ka qenë duke lëvizur me shpejtësi të lartë, por raporti përfundimtar i policisë në Luksemburg ende nuk është publikuar.

Në aksident humbën jetën edhe dy persona të tjerë, shtetas boshnjakë nga qyteti Wiltz, të cilët po udhëtonin me kamion.