1.
Një person humb jetën në trafik, 30 të lënduar dhe 2567 gjoba të trafikut brenda 24 orëve në Kosovë
03.09.2025
Policia e Kosovës ka publikuar raportin e saj ditor për 24 orët e fundit, ku janë pasqyruar statistikat mbi aksidentet në komunikacion, gjobat e shqiptuara dhe arrestimet.
Sipas raportit, gjatë kësaj periudhe është shënuar një aksident trafiku me fatalitet, ndërsa 30 aksidente të tjera kanë rezultuar me persona të lënduar. Përveç tyre, janë regjistruar edhe 52 aksidente me dëme materiale.
Policia ka vazhduar zbatimin e masave për siguri në komunikacion, duke shqiptuar 2,567 gjoba trafiku vetëm brenda një dite.
Në anën tjetër, gjatë 24 orëve të fundit janë arrestuar 21 persona, ku 15 prej tyre janë dërguar në mbajtje.
Ky raport reflekton intensitetin e punës së policisë për rritjen e sigurisë në rrugë dhe zbatimin e ligjit në gjithë vendin.