Prizren, arrestohet një person pasi sulmoi fizikisht zyrtarët policorë
22.08.2025
Një incident është shënuar ditën e enjte në fshatin Kobaj të Prizrenit, ku një person është arrestuar nga Policia e Kosovës pas një sulmi fizik ndaj zyrtarëve policorë.
Sipas njoftimit zyrtar, policët ishin duke ofruar asistencë për një institucion kur ndodhi rasti. Gjatë këtij operacioni, i dyshuari kosovar ka sulmuar fizikisht zyrtarët policorë, duke penguar kryerjen e detyrave të tyre.
Autoritetet kanë ndërhyrë menjëherë dhe e kanë arrestuar personin në fjalë. Pas intervistimit, me vendim të prokurorit, i dyshuari është dërguar në mbajtje, ndërsa njësitet policore po vazhdojnë të merren me rastin.
