Goditet Grupi Kriminal që Falsifikonte Dokumente, të Arrestuar nga Kosova dhe Shqipëria
Policia e Shqipërisë ka finalizuar një operacion të suksesshëm të koduar “Njësia”, duke goditur një grup të strukturuar kriminal që merrej me falsifikimin e dokumenteve. Gjashtë persona janë arrestuar, ndërsa janë sekuestruar një sërë dokumentesh të huaja dhe shqiptare, të cilat dyshohet se ishin të falsifikuara.
Në kuadër të këtij operacioni, u arrestuan në flagrancë shtetasit K. D., 35 vjeç, banues në Tiranë, K. G., 57 vjeç, banues në Prizren dhe G. L., 28 vjeç, banues në Kaçanik. Gjithashtu, u ndaluan me iniciativë shtetasit K. D., 56 vjeç, L. B., 58 vjeç dhe E. D., 20 vjeçe, të tre banues në Tiranë.
Të arrestuarit dyshohet se falsifikonin dokumente të ndryshme, si pasaporta, karta identiteti dhe leje drejtimi, me qëllim që t’ua shisnin personave që synonin të lëviznin ilegalisht drejt vendeve të huaja, kryesisht drejt atyre që kërkojnë viza.
Gjatë operacionit, u sekuestruan 15 dokumente të ndryshme, duke përfshirë pasaporta dhe karta identiteti amerikane, italiane dhe angleze, si dhe një leje drejtimi rumune dhe një kartë identiteti shqiptare.
